Нартад намайг төрөөгүй байхад
Нар намайг олоогүй байлаа
Нартад намайг ирээгүй байхад
Нас надтай мэндлээгүй байлаа.

Нас гэдэг ер нь юу юм бэ?
Наслана гэдэг ингэхэд юусан билээ?
Хэд насласнаар нь хүнийг хэмжихгүй
Хэрхэн яаж явснаар нь хэмжинэ.

Харвах сумны өөдөөс гялсхийгээд өнгөрдөг нас байхад
Хар  толгойгоо бусдын ард нуугаад авч үлддэг нас байх юм.
Хамгийн нандин шүтээнийхээ өмнө, зул шиг шатаад өнгөрдөг нас байхад
Хайртай бүхнээ золиослоод амиа авч үлддэг нас байх юм.

Зээлийн газраар  хожоо харж, арвыг нь үрээд
Зэргийн нөхөдтэй атаа сөрж,  хорийг нь үрээд
Зэрлэг зодоонд зэмлэл хүлээж, гучийг нь үрээд
Зээрд болтлоо архи шимж,  дөчийг нь үрээд

Нэг олдсон насаа
Нэргүй дэмий өнгөрөөсөн бол
Хоёр олдохгүй амьдралд
Хоосон гаслаад нэмэргүй ээ!!! Дэлгэрэнгүй »

Нэгэн зүрхэн дор

Хав харанхуй байх нь

Энэ юу вэ?

Сэтгэлд гэрэл гэгээ алга

Энэ юу вэ?

Хайр хайсан харц нь бүүдгэр байх нь

Энэ юу вэ?

Туяа нь болох нар алга

Энэ юу вэ?

Айдас дагуулсаар ирж байх нь

Энэ юу вэ?

Ахиад амьдармаар санагдах зорилго алга

Энэ юу вэ?

Гэр бүлээ хайсан хүүхдүүд байх нь

Энэ юу вэ?

 Гэндэж осолдоход аргадах энэрэл алга

Энэ юу вэ?

Гэгээн цацраг байхгүй байх нь

Энэ юу вэ?

Ганцхан муу муухайг дагуулсаар

Энэ юу вэ?

Нулимс нь дусалсаар дусалсаар дуусч байх нь

Энэ юу вэ?

Насаараа эдлэх баясал нь алга

Энэ юу вэ?

Нандин бүхнийг авч байх нь

Энэ юу вэ?

Энэ юу вэ?

Энэ бол...

Бид хамтдаа зогсоож чадна

Бид хамтдаа тэмцэж чадна

Тийм ээ

Бид хамтдаа хамгаалж чадна

Бид хамтдаа дуусгаж чадна.

 13р сургуулийн 10в ангийн сурагч Бат- Итгэл

Дэлгэрэнгүй »

Цөлд дэлбээлэх гайхамшиг байвч

Цэцгийг хайрлаж чадахгүйн гутамшиг алга

Цэцгийн чинээ амьдарч чадахгүйн гаслантай

Цэцгийн дэлбээ шиг үрсээ хайрлахгүй бол

Цэнхэр тэнгэрт наран ээж үгүйн адил

13р сургууль, 8б анги, Даариймаа

Дэлгэрэнгүй »